Rev 9 | Ndebele | STEP | Ingilosi yesihlanu yasilukhalisa uphondo, ngasengibona inkanyezi ivela ezulwini isiwele emhlabeni , kwasekunikelwa kuyo isihluthulelo segodi lomgodi ongelamkhawulo .

1 Ingilosi yesihlanu yasilukhalisa uphondo, ngasengibona inkanyezi ^a ivela ezulwini isiwele emhlabeni ^b, kwasekunikelwa kuyo isihluthulelo ^c segodi lomgodi ongelamkhawulo ^d. 2 Yasivula igodi lomgodi ongelamkhawulo ^e, kwasekusenyuka intuthu emgodini njengentuthu yesithando esikhulu ^f, kwasekufiphazwa ilanga lomoya ngentuthu yomgodi ^g. 3 Kwasekuphuma isikhonyane entuthwini seza emhlabeni ^h, kwasekunikwa kuso amandla, njengabofezela bomhlaba belamandla ⁱ. 4 Kwasekuthiwa kuso singoni ^j utshani bomhlaba, loba yini eluhlaza, loba yisiphi isihlahla ^k, ngaphandle kwabantu kuphela abangelaphawu lukaNkulunkulu emabunzini abo ^l. 5 Kwasekunikwa kuso ukuthi singababulali, kodwa bahlutshwe inyanga ezinhlanu ^m; lobuhlungu baso babunjengobuhlungu bukafezela ⁿ, lapho eluma umuntu. 6 Langalezonsuku abantu bazadinga ukufa, kodwa bangakutholi ^o; bazafisa ukufa, kodwa ukufa kuzababalekela. 7 Lezimo ^p zesikhonyane zazinjengamabhiza alungiselwe impi ^q, lemakhanda aso kwakukhona okunjengemiqhele enjengegolide ^r, lobuso baso babunjengobuso babantu ^s. 8 Njalo sasilenwele ezinjengenwele zabesifazana, lamazinyo aso ayenjengawezilwane ^t. 9 Futhi sasilezivikelo zesifuba ezinjengezivikelo zesifuba zensimbi, lomdumo wempiko zaso wawunjengomdumo wezinqola zamabhiza amanengi ^u egijimela empini ^v. 10 Njalo sasilemisila efanana leyabofezela ^w, njalo kwakulendonsi emisileni yaso; lamandla aso ayengawokona abantu inyanga ezinhlanu ^x; 11 futhi sasilenkosi phezu kwaso ^y, ingilosi ^z yomgodi ongelamkhawulo ^aa; ibizo layo ngesiHebheru ^ab linguAbadoni ^ac, langesiGriki ilebizo elithiwa nguApoliyoni ^{▼▼ uApoliyoni: elitsho, umchithi.}. 12 Umaye oyedwa usedlulile; khangela kuseza omaye ababili emva kwalezizinto ^ae.

13 Ingilosi yesithupha yasilukhalisa uphondo; ngasengisizwa ilizwi livela empondweni ezine ^af zelathi legolide eliphambi kukaNkulunkulu ^ag, 14 lisithi kungilosi yesithupha eyayilophondo: Khulula ingilosi ezine ^ah ezibotshiweyo emfuleni omkhulu iYufrathi ^ai. 15 Zasezikhululwa ingilosi ezine ^aj ezazilungiselwe ihola ^{ak
,} ^{▼▼ ezazilungiselwe ihola: kumbe, ezazilungiswe eholeni.} losuku ^{am
,} ^an lenyanga ^ao lomnyaka ^ap, ukuze zibulale ingxenye yesithathu yabantu ^aq. 16 Lenani lamabutho ^ar agade amabhiza ^as laliyizigidi ezimbili zezigidi ^at; ngasengisizwa inani lawo ^au. 17 Ngasengiwabona ngokunje amabhiza embonweni, labagadi bawo, belezivikelo zesifuba zomlilo lezehiyakinte* ^av lezesibabule; lamakhanda amabhiza ayenjengamakhanda ezilwane ^aw, lemilonyeni yawo kwaphuma umlilo lentuthu lesibabule ^ax. 18 Ngalezi ezintathu kwabulawa ingxenye yesithathu yabantu, ngomlilo langentuthu langesibabule ^ay okwaphuma emilonyeni yawo. 19 Ngoba amandla awo asemlonyeni wawo, lemisileni yawo; ngoba imisila yawo injengezinyoka ilamakhanda, langawo ayalimaza.

20 Labaseleyo babantu, abangabulawanga kulezinhlupheko, kabaphendukanga ^az emisebenzini yezandla zabo ^ba, ukuthi bangakhonzi amadimoni ^bb, lezithombe ^bc zegolide ^{bd
,} ^be lezesiliva ^{bf
,} ^bg lezethusi ^bh lezelitshe ^bi lezesihlahla ^bj, njalo ezingaboniyo, lezingezwayo, lezingahambiyo ^bk; 21 futhi kabaphendukanga ekubulaleni kwabo ^bl, kumbe ekuthakatheni kwabo ^{bm
,} ^bn, loba ekuphingeni kwabo, kumbe ekwebeni kwabo ^{bo
,} ^bp.